Está pasando

La puerta de los vicinos acaba d´abrise. Es un edificio antiguu y tóo se siente. Es un hombre qu´está pidiendo, un probe. La retajila de penas, el sonsonete cansu. No li dan náa, normal, nel pisu d´enfrente vivin amachimbráos un güen d´emigrantes, colombianos cudo qué. Pica a la mi puerta. El pínfanu del timbri suena a cascavija curujientu. Abora pica conos nudillos. La puerta es grandona, con un ventanu por mirilla, muy aparente, que retingla y toa ella paez a puntu d´esgonzase. Insisti. No abro. Es la hora de comer, me digo.