Estoi liendo "La Hestoria Tapecida" de Xuan Bello, luegu publicáa en castellanu, quiciás l´añu que vien. A quin li gustó "Hestoria Universal de Paniceiros" (a mí, sin dir más lejos), a güen siguru tamién li gustará. Es cumo jacer una visita nochirniega al pueblu de la tu infancia (al de los veranos, al que abaldonesti pa dir a la ciudá entá ensin ser mozu... cualisquier val, toos tenemos unu) o cumo la primer vez que crucias a la otra urilla del ríu que esaparta´l tu pueblu del monte.
Préstame muchu lo qu´escribe Xandru Fernández, narraor n´asturianu que pasa por ser unu de los mejores d´España (pocapocu van apaiciendo daque libros suyos en castellanu, siguiendo la estela de Xuan Bello, que juéi el primeru en valcusar textos al castellanu nuna editorial juerte de ámbitu nacional). Xandru tien un blogue (si se pon el su nombre en google apaez cumo primer item) nel que jaz un güen repasu periódicu a la hestoria contemporánea de la música pupular enternacional. Pus bien, leer "La Hestoria Tapecida" de Xuan Bello, en relación con "Hestoria Universal...", es cumo cunocer la obra de Xandru Fernández ("La banda sonora del paraísu", "Les ruines" o "Entierros de xente famoso", ente otras muchas) dende la música que al autor li presta (abora recuerdo qu´es letrista de Dixebra).
Xuan Bello y Xandru Fernández son dos autores más que recomendables. Nu vo a dicir "autores n´asturianu"; simplemente autores atales.
Tomo nota. Leí con auténtica pasión la "Historia Universal de Paniceiros". Toda una revelación literaria. En cuanto aparezca la traducción, imagino que la publicará Debate, me pongo manos a la letra.
ResponderEliminarFeliz 2010, de paso :)