Poso dispués de cumer y me pongo a leer. Estoy acorcolláu polos libros mercáos en Flic! Abro la ventana. El sol al fin encesu. Los vicinos tienen la música a un volume muy altu: una cantarazaña a ritmu de reggaeton. Son una pareja de latinos que tengo parée con parée. Bailan (el suelu, de maera, ritingla). Alampo por salir a la ventana y pidilis que l´abajin, qu´están atronillándomi con tantu labarintu, pero no: quedo gutu, liendo ringlera tres ringlera, derréu, sin levantá-la cabeza (Martutene, de Ramón Saizarbitoria). Al cabu de un par de horas la chica asoma a la ventana y diz:
- Escucha, linda, escucha.
Y siento una canción de cumplieaños. Es una canción latina que nu cunozo.
- Escucha, linda, escucha - repiti.
Pon entós la música más alta. Asomo a la ventana tamién yo a echar una vistozáa y la veo al teléfonu. Tienlu agarráu conas dos manos, una asina y la otra asina (cumu cuando agüelis l´almuháa ena que durmi o ha durmíu alguien a quin quieris).
Nel aleru cuatru gurriones. Deja caesi unu y li siguin los otros tres, ensin batí-las alas.
Dejo la ventana abierta.
No hay comentarios:
Publicar un comentario