Dos visualis del cielu

Unu.

Vien a despidise en cuantas me véi. Esta semana es la última suya, se jubila. Diz qu´el principiu que ha guiáu los sús más de cuarenta años de sirviciu públicu ha síu "poner al usuariu por cima de la capa del cielu".

Lleva una rebecuca dincima del uniformi azul, pol fríu que surdi del airi acondicionáu.

Dos.

Rolda una cinta antigua que arrecuéi discurriatos dun vicinu iguñés ya fallicíu al que se li oyi dicir que va a jospar n´avión y que li va a pidir al pilotu que vueli jasta que las alas peguin y ya no sea pa pasar.

Jasta acanzá-l´ángulu muertu nel que trimina´l cielu.