Vicinos convictos

Estuvi jaz alreor d´un añu en San Sebastián, alias Donosti(a), y lo únicu que ví relacionáu cona capitalidá cultural eran un güen qué de pegatinas de los de siempre contra la candidatura. Imagínolos abora quitándolas con espátulas de las parées, ris ras, pero cudiando de no quitá-las que dicin estar en contra del Guggenheim, de la bandera española, de la pulicía, de los pulíticos del PSOE y del PP (a los que, dicin, ya no los quieren matar), de los empresarios (a los que, dicin tamién, ya no lis pidin dineru a cambiu de no arruinalos con una bomba, secuestralos o matalos) y una larga tarja d´esenemigos que cambalúan por sús mientes. Y digo lo único que ví porque de programación cultural, pocu más que una chapuca que compré y que ya no sé ónde está.