Esta nochi he tiníu una intuición

Esta nochi he tiníu una intuición

las cuatru sirían

sólidu ena cama

col gatu dencima

la ventana al gallegu

abierta

cielu por demás

y un barcu atracáu

conas lucis encesas

y el motor chumpando gasulina

de un depósitu del puertu

que rebumbiaba en metá la nochi

las cuatru pocu más

cumu ruta el pozón de la vega

cuando ajoña la cillisca

que nu tardará n´allegar.



Asociacionis d´ideas, las intuicionis, que van tan al escapi que desiguía esapaecin:

un resclavi ena ñevi

nevando.



ElPSOEtuvointenciónperonohizoyahoraquéesperardeellossinomásdelomismo( pienso en castellanu )elPPnisiquieratuvoybienalasclarashaquedadoloquepersiguequeesenriquecersemanteniendounestadodelascosasperjudicialporatentarcontralamayoríaenbeneficioespuriodeunaminoría( y asina ).



Espertéi

las cuatru sirían

y espertando

lo tuvi claru: hay que votar a Podemos.

Llamáilo intuición

(quiciás por selo

téngolo tan claru)

esi relampaguíu

que aprovecha la luga

pa jindir la bóveda celesti

y dejar asina trempasá-la luz

enti los nublaos.