Crisis

Abora resulta que la crisis arreprejenta una oportunidá pa destriar las empresas que merecin la pena de las que no. Revilla dixit. Darvinismu culómicu atal. Qué pena...

Tirá-la tualla

Cumu diz un cunucíu: si se jaz con juerza y puntería, tirá-la tualla no es necesariamente rendise.

Fragmentu de Náa. Carmen Laforet

Camientábame que de náa val correr si siempre tien de dise pol mesmu caminu, cerráu, de la nuestra personalidá. Unos seres nacin pa vivir, otros pa trabajar, otros pa mirá-la vida. Yo tenía un pequeñu y ajiláu papel d´espectadora. Imposible salime de él. Imposible libertame.

Allí onde l´aliendu. Adam Zagajewski

Está solu en escenariu
ensin dengún estrumentu.

Ponse la manu en pechu
allí onde naz l ´aliendu
y onde apágase.

No son las manos que cantan,
ni tampocu el pechu.

Canta lo que está gutu.

Blues del amu. Antonio Gamoneda

Va a jacer dicinuevi años
que trebaju pa un amu.
Jaz dicinuevi años que me da la cumía
y tuvía no he visto´l su rostru.

No he visto al amu en dicinuevi años
peru tolos días yo me miro a mí mesmu
y ya voy supiendo poca pocu
cómu es el rostru del mi amu.

Va a jacer dicinuevi años
que salgo de la mi casa y jaz fríu
y dimpués entro ena suya y me pon una luz
amarilla por cima de la cabeza
y tol día escribo diciséis
y mil y dos y ya no soy pa más
y dimpués salgo al airi y es de nochi
y güelvo a casa y no soy pa vivir.

Cuando vea al mi amu priguntaréli
lo que son mil y diciséis
y por qué me pon una luz por cima de la cabeza.

Cuandu estéi un día delante del mi amu,
veréi el su rostru, miraréi nel su rostru
jasta esborralu de él y de mí mesmu.

Ñebla. Akahito

Sobre los segles estanques d´Asuka
la ñebla levántase jasta esapaecer.
Por qué no sedrás tú cumu la ñebla,
terca alcordanza.

Graffiti (4)

Manu dura, artritis sigura.

Graffiti (3) (rial cumu la vida mesma)

Tapemus los güecus con mocus

Graffiti (2)

Anantis era un inseguru... abora no séi...

Graffiti (1)

El jechu de que no seas paranoicu no quier icir que no anden a la tu busca...