jueves, 27 de septiembre de 2007

Fragmentu de Anatol dínase dar seis consejos ajallaízos pa jacer esapaecer una pistola. (Apuntes pa una novela negra). Harkaitz Cano.

Enjamás se ha de lanzar el revólver a un ríu, tan desiquiera al mar, sacáu que mos alcontremos a una distancia de más de seis millas de la costa. No sedría la primer vez qu´un revólver apaez a flote tres ser lanzáu al augua. Augua currumpíu nun esconzáu del puertu, augua remansu enllenu de plásticos quemaos, pelaúra de naranja y latas de cerveza y, en mellu tola basura, un revólver flotante que, entalde jundise, permanez sobre´l augua.

lunes, 24 de septiembre de 2007

Alicórniu. Hilde Domin

L´alegría
esti modestismu animal
esti dulce alicórniu

tan silenciosu
no s´oyi
cuandu vien cuandu va
mi animal duendu
alegría

cuandu tien sée
lambe las glárimas
de los sueños.

miércoles, 5 de septiembre de 2007

El filósofu. Benjamín Prado.

Cavilaba, pinto´l casu, en metá la nochi:
¿Qué é más rial,
lo qu´anguien imagina
o lo qu´acontez
peru naide véi?
Y sintía pasá-la inteligencia
pol su sangre
cumu´n estellu létricu.
Too iluminábase p´asganzar sintíu.

Siempre intentaba abracar el mundu colas manos.
Quiso icir: Lo nuevu no s´alcuentra, s´ inventa.
Y que too acolechu tien las sus catedrales;
qu´una lijaúra é l´oju qu´abri ena tu piel la muerte;
qu´hay cínicos que van cara la luz
sólu por no saber
lo qu´otros sufrin ena escuridá...
Náa quedaba al asubiu los sus ojos.

Lejos de los demás,
abismáu nel su círculu de tesis y sistemas,
quiciás no allegó nunca a priguntase
si a la fin el pensamientu
no é más qu´un sucedániu de la vida
y a veces el su rival. Peru si lo jizo,
debió d´arrespuender: Enjamás merez
ser feliz quin malgasta las sus ideas,
escuéndese
debá l´ árbul ensin sombra de lo qu´aprendió
peru ya se ha olvidáu
o anda a buscu d´islas
onde suterrar l´oru de la cencia.

Y dimpués siguiría´l su caminu.

Cerca la verdá,
al par los maniantales
del bien y´l mal, no tuvo a quín icir:
El qu´esquiva la su suerte, escurre´l su infortuniu.
Saber sirvi pa querer saber.
L´apocáu esdá lo qu´el valiente ruempi.
Quin no créi en pentasmas, temi a la rialidá...

Es pusible que juera una d´esas presonas
que de mirar tan lejos
treminan alejándose de la su propia miráa.

Al murir, los dotores
alcontráronli´l corazón en blancu
y una piel ensin marcos de descesu o de deliriu,
erma de batallas,
repulisca cumu l´arena d´un jermosu
país eshabitáu.
El su ditamen juéi cincillu:
Era un hombre ignorante,
no bía síu p´entender náa.

martes, 4 de septiembre de 2007

Ensin títulu. Taresa Lorences

Es inútil querer alcontrar
la calor de las tus manos
enos picaportes.

Están ajeláos
dende que te juiste
ya no hay quin abra las puertas.

Archivu del blog