Fragmentu de La boca probi. Flann O´Brien

¡Gaélicos! - dijo -, el mi corazón gaélicu enllénase d´alegría al estar hoy aquí dirigiéndome a vosotros en gaélicu n´esta fiesta gaélica nel centru del territoriu gaélicu. Dejaime dicir que ero gaélicu. Ero gaélicu de pies a cabeza, gaélicu polos cuatro costaos. Asinamesmu, toos vosotros sois verdaeros gaélicos. Toos mosotros semos gaélicos lígrimos. Quin es gaélicu, siempre sedrá gaélicu. Yo nunca he pronunciáu (ni vosotros tampocu) una sola palabra que no sea gaélica dende´l día en que nací, y lo que es más: tolo que he dicho ha versáu sobre la tema de la lengua gaélica. Si semos verdaeros gaélicos, es necesariu que mos acupemos siempre de la custión del gaélicu y de la gaelicidá. De náa sirvi saber gaélicu si lo empleamos pa echar parláas sobre cosas que no son gaélicas. Quienes hablan gaélicu peru no se acupan de la custión de la lengua, no son verdaeramente gáelicos nel fondu; personas asina no benefician náa el gaelicismu, pus lo únicu que jacin es burlase del gaélicu e insultar a la genti gaélicu. No hay náa nel mundu tan jermosu y tan gaélicu cumu los verdaeros gaélicos verdaeramente gaélicos que hablan en verdaeru gaélicu gaélicu sobre la gaélica lengua gaélica. ¡Polo tantu, plocamo gaélicamente inauguráa esta fiesta! ¡Arriba los gaélicos! ¡Larga vida a la nuestra lengua gaélica!