domingo, 8 de marzo de 2009

Alibiestráu

Durmo a estrincones: abora una remesa, dimpués otra y asina jasta que pon puntu final el pínfanu del espertaor, que más qu´espertar, atronilla. Un sueñu repetitivu, tantu que lo tengo por zuna: que nel qu´abora estoy recuerdo una idea d´interés que tuvi nel anterior, pero que cuando espierto no soy p´alcordar. Y no séi qué me da más rabia, si no recordar la idea d´interés o el sueñu cona alcordanza de lo soñáu. Pal casu es lo mesmu. El pínfanu del espertaor es l´avanzadilla de un día que se aprejenta, una vez más, alegueru.

No hay comentarios:

Archivu del blog