De oca a oca

Cuando leo enas memorias d´Eulalio Ferrer escritas dende´l campu de concentración d´Argelès-sur-Mer que regaló el su capote militar a un liértigu Antonio Machado cuasi insánime en Colliure, nu deja de venime a la cabeza una fotu de Pessoa ruvieju, que no vieju, onde aposa conas sus antiparras, ajileráu, cumo si la vida nu juá con él, ena rampla que subi dende A Baixa cara Chiado y Bairro Alto (esa rampla que cunucí conos edificios fallos y onde abora ércese un FNAC), mientras echa un jumarru y ensin ser tan desiquiá pa camientar qu´el su país y, de réu, tamién él, estaban al pintís del abizu.