Blues del amu. Antonio Gamoneda

Va a jacer dicinuevi años
que trebaju pa un amu.
Jaz dicinuevi años que me da la cumía
y tuvía no he visto´l su rostru.

No he visto al amu en dicinuevi años
peru tolos días yo me miro a mí mesmu
y ya voy supiendo poca pocu
cómu es el rostru del mi amu.

Va a jacer dicinuevi años
que salgo de la mi casa y jaz fríu
y dimpués entro ena suya y me pon una luz
amarilla por cima de la cabeza
y tol día escribo diciséis
y mil y dos y ya no soy pa más
y dimpués salgo al airi y es de nochi
y güelvo a casa y no soy pa vivir.

Cuando vea al mi amu priguntaréli
lo que son mil y diciséis
y por qué me pon una luz por cima de la cabeza.

Cuandu estéi un día delante del mi amu,
veréi el su rostru, miraréi nel su rostru
jasta esborralu de él y de mí mesmu.