Paisaje interior

A la isquierda veo un ríu que bordea la paré d´una montaña con vidras que cain dende´l pical y árbules que la prolongan n´una bóveda verdi que arrecueje las nubes que pasan bajas cara´l mar. A la derecha una ringlera d´alisas que siguin el cursu d´un regatu que jaz eses. La herba paez suavi cumo la piel d´un briñón. Flores cumo pezas. Quiero gulver la vista pa veer si el regatu de mí derecha naz del ríu de mí isquierda por tras de mí, a mis espaldas, pero no puedo: estoi atáu a un poste.