Emergencia

Abora soy pa entender por qué dende jaz un tiempu mos intentan meter polos ojos la importancia de los sistemas emergentes: que si un bebé alquier la capacidá del lenguaje de móu espontániu, que si un ensambre o un jurmigueru juncionan cumu una unidá, que si el tóo es más que la suma de las partes, que si l´entendimientu de los sistemas emergentes son el primer pasu cara la inteligencia artificial... Esta mañana uyí ena radiu qu´el mercáu es pa caltenese por sí mesmu, que puei esentorcase si deja pa práu l´entornu humanu que lu acolecha, que junciona sigún una lógica propiu que pocos, muy pocos (por casualidá sólu los que detentan el poder) son pa entender. Ellos sí que sabin...