miércoles, 28 de agosto de 2013

Santa Teresa de Jesús tamién era de los míos

Entardahier juí solu al teatru. La obra era sobre Santa Teresa de Jesús. De Juan Mayorga, unu de los muestros autores más emponderaos. Jué na Pinínsula La Madalena. Quisi veela en Madrid, pero finalmente no pudi. Ésta, la d´entardahier, era mí luga.

Juí solu, pero allá alcontré a mí tía y a mí madre. Maldita la gracia, jueron a asejase justu enas butacas qu´estaban por tras de la mía.

Espienza la obra:

Custa siguila. Es dura. El castellanu gastáu es antiguu. No se tardan las cabezas esgonzás. Los de la primer fila (Borrell, Narbona, toos VIPs, escunozo la razón de tal consideración) están cabeciando cumu barquías ena mar picá.

Y en trescurriendo los sús güenos tres cuartos d´hora:

Évate que la prota pon sús ojos en blancu y enseña al públicu sús manos llagás. Aquí es cuando mí tía y mía madre españan de risa en metá-la sala. Lejos de pasar vergüenza (a la que soy muy dáu), comprendí al escape: mí tía y mí madre vivieron en primer persona, en primer línia las aparicionis de Garabandal.

La Virgen aguliendo a cuchu. La Virgen en metá-la cambera. La Virgen ena corraliega, caminando por cima l´antozañu. La Virgen compartiendo los días conas niñas. Cambaliando pol pueblu, a mayuetas, a moras, lanzándose amores que quedan prindáos ena rebeca de lana.

Esa actriz allá, dencima l´escenariu, tinguilitiando cual bailarina de vidiuclip de Beyoncé, las caras de trescendencia ente´l públicu, ési no pistañar.

Mí madre y mí tía riíndose.

Pocu faltó pa que la representación arranara. Sintí vocis de reprebación: el señuríu de los pisos grandes cumu prazas de toros del Paséu Pereda ermos sacáu el veranu, el señuríu que cunduz jaguares blancos, el que visti de lentijuela, el que desplica l´argumentu d´una peli de Lars von Trier cumu quin bebi un vasu augua, el que sabi apreciá-lo que tresmiti Mahler, el que recunoz la diferencia ente miserabilismu y tremendismu, el que cunoz de tomar café a Soledad Lorenzo, el que ha liíu a Santa Teresa de Jesús y que, cumu ya hay confianza, li saca lo de Santa... Pero nadie, estoy siguru, se tomó tan en seriu la obra cumu mí tía y mí madre.

Las coordenás mentalis de mí tía y mí madre jacieron que sú lectura de la obra (la recreación que es la percepción) juera distinta de la del restu d´espectaoris. Pa ellas la obra tinía más dobleces que pal restu de nós.

Juan Mayorga diz que las sús obras son artefactos conos que persigui espertar concencias.

La evidencia de la representación que surdi en mí madre y en mí tía de súpitu (esas llagas de mercrumina, esi tinguilitéu tan fatu), allá, n´esa sala de teatru mal acaldá. La evidencia de la rialidá cumu representación, acá, n´esta sala de teatru mal acaldá qu´es el mundu, la evidencia de nós, tal que actoris, parlando con palabras de otros sobre lo que otros quieren que parlemos. Las fotocopias de vida que vivimos. Los libretos que somos.

La risa es l´alarma del espertaor.

No hay comentarios:

Archivu del blog