Mos hemos espertáu juntos
hemos íu al bañu juntos y hemos meáu
mos hemos ducháu juntos
juntos mos hemos tomáu un pucillucu´ café al ritmu que Hendrix
mos marcaba dende´l aparatu
mos hemos riíu juntos comentando daqui tochaa
mos hemos vistíu juntos
Y mos hemos tresnáu
Yo mi he puestu los mis vaquerucios negros
y con daqui joracos
los bordeguisis de gitanu del Rastru
la camisa negra con topos fusia
la muñequera que mi regaló El Dogu, de cueru negru
una chupa d´ella, curtia y con cremalleras a ergaya, de cueru negru
la gorra de cueru negru que unos mesis dimpués trató de suicidasi
nel Sena
las gafas, negras
las mis uñas caltienin entá restos del esmalti negru que lis pusimos jaz
unos días
A ella tamién li ha dáu por vistir muntisinu esta mañana
Los sus zapatos de anti tipu años cuarenta (o trenta, o cincuenta, ni puta
idea)
las medias de redi
las braguitas de seda negru col jaretu negru
una minifalda roja y negra, de cueru
la chupa que juéi d´Eduardo, de cueru negru
una camiseta negra brillanti, cumu si juera de jilu de purpurina
las gafas, negras
el pañuelu de calaveras
el bolsu de piel de culiebra
tolos sus anillos que más li prestan y daqui pulsera
Los sus ojos pintaos
Los sus labios pintaos
Perfumaa
Hemos salíu juntos a la calli y toos quedan estelaos
Somos la pareja más guapa, los más almiraos
Somos los profetas
Los iligíos
Mañana gulveremos a las portaas
(Si mos apetez y el tiempu lo primiti)
1 comentario:
Ángel murió de sida. Curra fue su pareja durante el último año de vida. Antes había sido pareja de García-Alix, el Eduardo de la chupa del poema.
Publicar un comentario