Contraste

Oi, esti augua está suciu. El camareru ajuntó al vasu augua el botellu col azaiti turbiu d´aliñar ensaláas romanas. Callamos, pero nu bibimos. La sée era una trampa palas palabras de dispidía. Apenas mos dijimos náa. Pocu dimpués el tren daba un estrincón y ella marchaba. Anochicía. El cielu al treslumbri del monti. Nunca lo ví tan claru. Cumo l´augua, dijo ella días dimpués, cuando gulvimos a alcontramos y se lo conté. Cumo l´augua nou, retruqué, cumo l´agua juntu l´azaiti. Estábamos al sol en una terraza y too estaba veláu por una película blancucia que difuminaba los contornos. Tanta luz...