Cazoritu

Gustábali escuchar tres las puertas del vicindariu: la lumbre del sol qu´el gatu sal a buscar, el gurgulitiar de la cafetera, las voces qu´inauguran los güenos días, tamién pa tí, sulía arrespuender polo baju, cumu al escuchu. El chaplar en secu de las soletas escontra el calcañar, la vicina en pijama y un jarséi de puntu por cima pa caltené-la calor nel cuerpu.

Rompióli la ñariz. La puerta abri pa juera, cumu enos locales "in" pa facilitar la salida en casu d´incendiu.