Andanciu

No m´alcuentro bien, de nuevu. Ya pasé el gripi, pero me paez que güelvi a por mí. Juí ahier a comprar Frenadol a la farmacia:

- C´ahi, dígame.
- Güenas: Frenadol, por favor.
- Aquí tien. ¿Angu más?
- ¿Por?
- Que si quier angu más.
- ¿Y por qué diba a querer angu más?
- Por si le jaz falta angu más, no sé, aspirinas, un termómetru...
- ¿Tan mal estoi?
- Nou, si no lo digo por eso...

Y es que cuando vas a una farmacia y te priguntan si angu más, unu nu sabi si el farmacéuticu lo diz por ser amable o porque te véi pior de lo que camientas qu´estás. Qu´es muchu camientar.