Escribo estas línias col Rei parlando ena televisión, ensin suníu, y cona Reina detrás amirándoli con cubicia

Salgo de tomar un cafitucu nun local del barriu. Acaban de reformalu. Está abora más guapu que anantis. Las parées blancas, la barra cripía de pinchos pa echar un gallatu, pinchos de tultilla, ganchitos, churizu y asina, homildis, pero ricos, música lentu, la teli guta, ect. He asejáu nuna mesa y liíu el peliódricu y tomáu daque notas. Con tóo, he echáu una güena estáa na cafetiría. Pero nu he visto que entrara nai. Vo a la barra a pagar. El dueñu la cafetiría es mozu. Tien mala cara. Prigunto qué tal. Diz que esti fríu húmidu lu tien acolecháu. La cafetiría, retruco, la cafetiría, qué tal. La genti paez tené-la zuna de dicimi en cuantas tien despaciu cómu se alcuentra de salú. Abaja entós la cabeza cumu pa uncise.

¿Es que pasesti fríu?, prigunta.

Nou, home, respuendo.

Es que la calefaición - la calefaición nu está encesa. Es que la calefaición - y nu es pa dicimi la calefaición qué, aunque lo camiento.

Un euru.

Pago.

Salgo col fríu mitíu hasta el corazón. Es esta humidanza, que nu soy pa sacala. Güelvo pa casa. Yo tampocu enciendo la calefaición.